荔枝角和牛餐廳有乜？長沙灣有無和牛燒肉食？對於喺荔枝角返工嘅各位嚟講，如果以前突然想同朋友去食和牛燒烤，真係一時間諗唔起荔枝角邊樹有，但自從D2 Place一期開咗間嚟自東京嘅銀座炎蔵燒肉後（又稱：「焼肉 銀座炎蔵」），而家就唔需要再煩啦。

荔枝角和牛餐廳 無牛角但有「焼肉 銀座炎蔵」

位於香港荔枝角嘅「銀座炎蔵燒肉」係目前香港惟一一家「銀座炎蔵」專門店，如果你去開日本，都知疫情前，位於東京嘅銀座炎蔵係唔少香港同台灣旅遊達人必推之選，而家佢嚟咗香港，咁即使你未買到機票飛東京，都可以品嚐到「家鄉」嘅味道。

荔枝角焼肉銀座炎蔵 有提供A4黑毛和牛

間舖有乜賣點？首先佢提供嘅和牛部位並唔係間間和牛餐廳都有。就好似你去打邊爐，並唔係間間舖都有封門柳咁。而「焼肉 銀座炎蔵」有乜罕有特別部位供應？佢就有友三角、芯芯、龜之甲、羽下、笹身同鞍下等等 。


惠比壽啤酒七寶啤酒 配燒肉一流 

飲品嚟講，佢賣嘅啤酒亦唔係度度都有。佢嘅惠比壽啤酒，可以話係喺香港嘅日式食店之中，真係唔多見。惠比壽啤酒之外，佢仲有七寶啤酒，都係易入口之選。另外，佢亦有西班牙手工啤供應，當中有款檸檬味嘅，更係女士必然之選。

燒肉套餐「炎蔵和牛極致 6點拼盤」必試

至於味道係點？肉味好夠，而且唔需要點佢提供嘅醬料，都一樣咁好味，完全物有所值。

小編就試過佢哋嘅炎蔵和牛極致6點拼盤，雪花均勻，入口香滑，6種唔同嘅肉質，帶俾你6種唔同口感。

抽風系統強 唔怕身有烤肉味

環境方面，店面闊落，坐得舒服。而且，最值得一讚嘅係佢抽風系統抽力強，哩點真係好重要。因為大家都知，食完燒烤烤肉，身上少不免有燒烤味，有時坐車返屋企，真係影響到人。但小編食完「焼肉 銀座炎蔵」返到屋企，身上竟然無燒烤味。即係點？如果你Lunch去銀座炎蔵食完，再去見客，都唔驚燒烤味影響到客人。


焼肉 銀座炎蔵 著數優惠

去銀座炎蔵開飯，點先夠抵？佢哋嘅Facebook專頁，都成日推出唔同優惠。大家食之前上去望望，就知即期有乜優惠著數。當然，Bookmark咗佢哋就更方便啦。

香港荔枝角 「銀座炎蔵燒肉」店舖資料：

  • 地址：荔枝角長義街9號D2 Place一期3樓302號舖；
  • 營業時間：11:30am至10:00pm（Last.Order 9:30pm）；
  • 訂座查詢：3709 8150；
  • Facebook專頁：https://www.facebook.com/ginzaenzohk


其他相關題材：

日本入境疫苗認可名單！網民：不需拎針紙！去VJW填表即可！（打科興國藥都得）

旅行防疫裝備2022：新冠肺炎去自由行！7件東西必帶 | 0+3政策